Artzaiak atez-ate eskian

P.M.U.

 Jesus etorri zaigu

 Zerutikan lagun,

 Goazen Belenera ta

 Adora dezagun;

 Goazen, goazen, goazen,

 Adora dezagun.

 1

 Aingeru batek digu

 Artzaioi esan,

 Nola aurtso eder bat

 Jaio dan pobrezan,

 Ederragorik eziñ

 Ditekela izan,

 Zerbait eramateko

 Gaissoak jan dezan.

 Jesus etorri,...

 2

 Aska batean dago

 Aur gaissoa otzak,

 Su egiteko Josek

 Biltzen ditu zotzak;

 Errukitu zaitezte

 Kristauen biotzak,

 ¡Arren limosnatso bat

 Aur gaissoarentzat!

 Jesus etorri,...

 3

 Oial zartso batzuek

 Dauzkala soiñian,

 Ara nola dagoan

 Lo, lasto-gañian;

 José eta Maria

 Askaren oñian,

 Lo lotso kantatzeko

 Esnatzen danian.

 Jesus etorri,...

 4

 Astoa ta idia

 Askaren atzian,

 Arnasaz berotzeko

 Aurra ostutzian.

 Nola eztegun juan nai

 Ara esku-utsian

 Limosna biltzen gabiltz

 Egiñal guzian.

 Jesus etorri,...

 5

 Zerutikan etorri

 Dira aingeruak,

 Soñu jo ta kantari

 Bedratzi koruak,

 Argi ta alai daude

 Belen-inguruak,

 Idiki diralako

 Guretzat zeruak.

 Jesus etorri,...

 6

 Atez ate gabiltza

 Limosnaren billa,

 Eman diguzute ta

 Oraiñ esker milla,

 Ikusi nai duanak

 Aur eder nmilla,

 Belenera gurekin

 Etorri dedilla.

 Jesus etorri,...