Amaren ondoan obe

Urruzuno'k

 Txorikumeak ondoen dira

 Egoten bere kabian,

 Aita ta amak kontu artuaz

 Bai egun eta gabian;

 Ondo lumatu gabe badira

 Asten egaka abian,

 Ega eziñez jausita dira

 Agudo izango bian,

 Katuren baten atzaparretan

 Ustez-usterik gabian.

 ***

 Ile gorria, begi urdiñak

 Zori-gorria azala,

 Nik uste nuen edertasun au

 Betiko larrosa zala;

 Baña dana zan iduripena,

 Bakar-bakarrik itzala,

 Goiztik gabera igaro ziran

 Danak aizea bezela,

 Negarrez nabil, Jaunari eske

 Errukiz artu nazala.

 ***

 Gaztetan bazabilltza

 Irri eta parra,

 Zârtzan egingo dezu

 Gogotik negarra.