Ama doloretakoari
Urruzuno, Pedro Miguel
Errukiturik zeruko Ama
Zure kolore samiñaz
Nere biyotza penak darama
Zuganontz negar egiñaz.
Anima triste, biyotza penaz
Beterik nator zugana,
Nerez utsa naiz, Ama maitea,
Zugandik bear det dana;
Indazu arren grazia, oso
Gogor eskatzen dedana
Kanta ditzadan zure dolore
Zazpirak, danak bat-bana.
Errukiturik...
Simeonek dizu aurraz agertu
Zure Jesusen eriotza
Nola ikusi bear zenduea
Gurutze baten ill-otza;
Berri au bai da ¡au; nere Ama!
Ezpata guziz zorrotza,
Erdi-erditik penaren andiz
Zatilu dizu biyotza.
Errukiturik...
Nolabait ere salbatutzeko
Aurcho Jesusen biziya
Ikusten zaitut Ejiptorako
Oraiñ bidian asiya;
Aurra besoan, denbora otza
Bide charra ta luzia,
¡Ai! Zein samiña izan zitzaitzun
Sufritzea au guzia.
Errukiturik...
Jerusalenen Jesus gelditu
Eta bazuaz echera
Palta zaitzunik arterañoan
Konturatutzen etzera;
Iru egunta iru gaubetan
Billa irtenik atzera
Penaren penaz, ¡ai Ama ona!
Iya bazatoz iltzera.
Errukiturik...
Amargurako kalian Jesus
Arantzaz koroatua
Gurutze-pean bi lapur eta
Etsayez inguratua
Ikusten dezu ¡Ama tristea!
Seme aiñ adoratua;-¿Atsekabeak nola etzaitu
Uzten oso zoratua!
Errukiturik...
Gurutz-ondora zugana nator
Kalbarioko mendira
Jesus ikutez an illik dator
Negarra nere begira,
Miñaren miñaz baldin arkaitzak
Berak puskatzen badira
¿Nola zaude zu, Jesusen Ama,
Nola zu ari begira?
Errukiturik...
Ildako bat ta naiz bere amaz
Edozeñek du erruki
Zure semea gurutzan illaz
Kontu au ez da iduki;
Soldadu batek lantzadaz dio
Bere sayetza idiki
Ta zuri berriz golpe berakin
Biyotza zaitzu ebaki.
Errukiturik...
Laztanez bete ondoan zure
Semearen arpegia
Obi batian sartutzen dute
Gorputz adoragarria,
Azken agur au ¿ez da zuretzat
¡Ama! pena chit andia!
Bai nere seme pekataria
Niretzat da geyegia.
Errukiturik...
Bakardadian zuri nai dizut
Nere Ama egin lagun
Aldendu gaba zugandik beti
Egoteko gau ta egun;
Jesus zurekin maitatutzea
Orra danok zer nai degun
Zeruan beti beti gloriya
Biyokin izan dezagun.
Errukiturik...