Ama Birjiña Kontzeziokoari

P.M.U.

 1

 Eder danen artian

 Zera ederrena,

 Zeru guzi guzia

 Edertzen zaudena,

 Jargoirik goienian

 Jaunaren urrena,

 Zeruak kantatutzen

 Dizute omena.

 2

 Jatorriz pekaturen

 Kutsurik gabia,

 Guzia ederra ta

 Guzia garbia,

 Jaunak egiñ zaituan

 Zeruen argia,

 Lurra pozez betetzen

 Dezun uztargia.

 3

 Eguzkiaz jantzirik

 Zeruan agertu

 Izarraz koroiturik

 Guzia edertu,

 Illargia oiñalki

 Daukazula gertu

 Zuri begira eziñ

 Gindezke aspertu.

 4

 Sekulan ezta izan

 Izango ere ez

 Zuri urrik emango

 Dizunik ederrez,

 Gau oskarbin zeru

 Josia izarrez,

 Zure ondoan ori

 Guzia ezer ez.

 5

 Zeruen apaingarri

 Jainkoak egiña,

 Bera maitatzen urtzen

 Zauden Serafiña,

 Zu bakarrikan zera

 Ama ta Birjiña,

 Bakarrik zeralako

 Jainkoaren diña.

 6

 Jaunaren Ama zeran 

 Bezela Maria,

 Oroitu zaiteere

 Zerala guria,

 Izan zaite lurrian

 Gure gidaria,

 Eta gero iguzu

 Zeruan, gloria.