Ama Birjiña Kontzeziokoari

P.M.

 1

 Zuri begira, Ama maitea,

 Gaude lurretik zerura,

 Zu zeralako pekatarien

 Salbazioko aiñgura,

 Zeruko iturri ederretatik

 Garbirik zatozen ura,

 Bedeinkatua izan dedilla

 Sortu ziñan egun ura.

 2

 Pozez beterik geranian gu

 Zerurantz begra jartzen,

 Zeru goi-goian Jaungoikoaren

 Urrena zera agertzen,

 An zaude jargoi eder batean

 Zeru guzia edertzen,

 Zuri begira gure begirik

 Ezta beñere aspertzen.

 3

 Izar ederrez oso-jantzirik

 Dagoen Zeru urdiña,

 Ederrez ezta oraindik zuri

 Urrik emateko diña,

 Eder guzien edergarritzat

 Jauinkoak berak egiña,

 Zeruan ere berdiñik gabe

 Zauden Birjiñen Birjiña.

 4

 Sortzetik zera eder-ederra

 Guzia garbi-garbia,

 Jatorriz degun pekatuaren

 Kutzurik ere gabia,

 Eguzkiare eziñ diteke

 Izan zu beziñ argia,

 Gure artean bizitutzeko

 Ziñake ederregia.

 5

 Usai gozoa banatzen dezun

 Udaberriko larrosa

 Jainko beraren Alaba zera

 Eta Ama eta Esposa,

 Bizitz onetan zu gabe eziñ

 Gindezke bizi, ez, goza,

 Zu bakarrikan zeradelako

 Ebaren umeen poza

 6

 Gure biotzak nai dizkitzugu

 Zuri osoro idiki,

 Oien barruan ondo gorderik

 Beti zaitzagun iduki,

 Zure biotzak gure misheri

 Aundien berri badaki,

 Izan ezazu, Ama maitea

 Pekatariaz erruki.