Gorka Aulestia abade berriari bere lenengo meza egunian
Urrutia, Liborio
1
Gaurko egunetik gelditu zara
Kristoren apaiz egiņa
Amabi urte luza onetan
Egin dezu alegiņa
Oindik aurrera guri irakasten
Izango da zure ekiņa
Gure animak salbatutzeko
Bada zerbaiten premiņa.
2
Gaztetatikan estudiora
Zu egin ziņan saltatu
Ta bide ortatik zintzo la leial
Beti egin dezu jarraitu
Bide oberik mundu onetan
Ezin leiteke billatu
Inbiriz gaude zure bidetan
Ezin geintelako sartu.
3
Apaiz maitea zabal itzazu
Erlejiņoko egiak
Bide ortatik galdu ditezen
Mundu ontako etsaiak
Gure erri eta erbeste daude
Anima txarrez josiak
Ez diralako gogoz entzuten
Kristoren irakatsiak.
4
Griņ txarrik bada gure errietan
Baita alkar ikusi eziņa
Koskorrerako erraxtasunaz
Birau oitura zikiņa,
Txarkeri oiek urrundutzeko
Egingo dezu alegiņa
Gure Jainkuak orretarako
Pasatu izan zuan miņa.
5
Gure lurretan izaten dira
Naigabe negar samiņak
Adan ta Ebaren jatorriz datoz
Oik dira gauza jakiņak
Norbera baņo abillagorik
Iņola ikusi eziņak
Alkar arrotzen egite itugu
Mundu ontan alegiņak.
6
Ikusirikan lur gaiņ onetan
Ezin gerala kabitu
Zerbait guztiok Jaunarengana
Biar genduke segitu,
Euskera argiz mintzatutzia
Nik ala egin det pentsatu
Gaur egunian kristau zuzenik
Ezin degula billatu.
7
Mundu ontara gu ez gerade
Betirako ekarriak
Orregaitikan egon gaitezen
Jaunarengana jarriak
Gure fedeak indartutzeko
Zaudete onera etorriak
Bide ortatik zabaldutzeko
Guri zeruko atiak.
8
Mundu onetan ezin bizi ta
Ez degu juan nai bestera
Jaunan aurrian ongi agertzeko
Orain daukagu aukera
Orretarako jarraitu daigun
Apaizaren esanera
Ezpagerade kanbiatutzen
Galduak izango gera.