Albistur'ko Luistar'i
Gurasobide
Zurekin egon nitzan garaian
ez nekin "Luistar" ziñanik,
ez bai nuan nik zuk bidali ta
artu B. L. M.'rik;
¡makurra zaude entzun nai ezik
euskal ORIAMENDI'rik
erriko jaiaz Albistur ortan!...
¿aditu da orlakorik?
Zuk nai zenduke entzun obeto
soñurik ez dan garaitan
jaiak kenduta urteak ditun
gañerako egunetan...
bizkorra zaude, ala ustekoan
zure iritzi orretan...
¡"txistu"! soñuan baitu ordea
arek "graziya" benetan!...
Ez bazun euki "Luistar"ek ezer
euskal ORIAMENDI'kin
begiramenaz ondo egingo zun
bera ez aitatzeakin...
aztindu utzik dantza elduak
ziorrik bikañenakin,
t'artara etzeukan bidegabean
sartutzerikan gurekin.
ORIAMENDI euskal eresiz
aurka datoz dantza arrotzak
bata entzun ta bestea ¡kendu!
gasteak, ¡bota bai, lotzak!
orren ondoren zuzendu gero
Zerura zuen otoitzak
ANJELUS'ekin amaitu denok
Albistur erriko festak.