Kasketak
Urreiztieta, Jose Agustin
Nekazari bi asi ziraden
Gaizki esaka elkarti,
Eta apaiz bat sortu zitzayen
Itz egitera biyari:
Anton izena zitzayon bati
Ta besteari Domingo,
Apaiza bertan sortu ezpalitz
Etzan pake-rik egingo.
Domingo-k zion apaiz jaunari
Onek ostudit arbiya;
Antonek berriz berea zala
Arbiya zegon tokiya,
Ikusirikan bada apaizak
Antonen sentimentua,
Billatu zuen sesiyo ura
Bukatutzeko modua.
Apaizak, zuen sagardu ona
Upel zarrean egiņa,
Bera eraten disputariyak
Egiņ zuten alegiņa.
Atera zuten lagun egiņik
Bakoitzak seiņa sardiņa,
Eranaz irme moskortzeraņo
Upel-sagardo aiņ piņa.
Andik atera ziradenean
Kasketa zuten berua
Ta orregatik aztu zitzayen
Beren lengoko kontua.
Balantzaka ta begiyak gorri,
Makurturikan burua,
Ate ondoan egokiya zan
Antonen paraderua,
Domingok zi:on ekak laztan bat
Egiņik pake gozua,
Antonek berriz ederra zala
Apaizaren sagardua.
Onela biak despeitu ziran
Elkarri laztan emanik,
Eta arrezkero ezdute izan,
Arbi kargaren berririk.
Arbi kargaren istoriya da
Emendik apartekua,
Bera azaltzeko etorriko da,
Bizi bagera, Pazkua.