Bizi Pareabea.
Urondo.
1
Hogoigarren mendean. Parise hirian
Neskatcha bat sorthu da, gaztelu batian.
Izen famalua du, mundurat jitian
Errechki ukanen du, emplegu bizian.
2
Etche hortan ez dute, deuseren eskasik
Osasuna badute, nasaiki batetik
Dirua bethi heldu, burrustan bertzerik.
Zer dute gero behar, horien ondotik?
3
Neskatcha hura baitzen, abilen lerroan
Emanak atchikitzen, airoski gogoan,
Eskolan iragan da, handien gradoan.
Badu orai titulu, gaztelu chokoan.
4
Zer izar distiranta, den mundu huntako
Guziek dugu aise, hori aithortuko.
Berak dauku ordean, noizbeit salhatuko
Zer duen bizi huntan, harek obratuko.
5
Egun batez mintzo da: "Erradazu ama
Neretzat badabila, soberachko fama,
Jainkoak nau aspaldi, deitzen bere gana
Heldu naiz galde horren, egitera ama."
6
Galdea zutelarik, ait'amek onhartu
Neskatcha zen bethikotz, komentuan sarthu.
Kargu gorenak duzke, hor noizbeit beretu
Holakorik ez baita, usu seroratu.
7
Jainkoaren nahia, bertzelakoa zen
Bere haurra betbetan, Afrikara deitzen
"Lepra"-dun dohakaben, ar dadin arthatzen.
Ofizio tzarrorik, othe da suertatzen?
8
"Marseillan hartua du, behar den untzia
Azken musuno bat du, igortzen garbia.
Leihorra itzaltzean, thorratuz begia.
Beharbada bethikotz "Adios Frantzia".
9
Agertzean lepraren, irla famalua
Untzian jendea da, ikharaz hartua.
Urrunt zazue orok, ahalaz lekua
Hiltzerat dohazinen, toki hautatua.
10
"Lepra" omen da gaitza, handienetarik.
Nunbeit kokatzen bada, harek churgaturik
Membroa erortzen da, deus egitekorik.
Eta gizonekin ez, nihun egoitzarik.
11
Hilabete, urtheak, serora han dela
Usain tzar, zauri beltzen, arthatzen dagola.
Ez ahal du bizia. Parisen bezala
Ez dute orok ukhan, holako ahala.
12
Bainan dohakabea, aratsalde batez
Sorbalda aphaindua, ttitta gorri batez
Dio bere laguner: "Eri naiz ner'ustez
Ez zinuketen aski, orai arte lanez."
13
Egun ilhun hartan zen, bethikotz eritu
Ondoko lehen gauan, zer duke phentsatu?
Bere burua duke, bakharrik kausitu
Dagon leku hartan da, sekulakotz sarthu.
14
Sei urthe badu orai, hoi zela gerthatzen
Ordutik hura han da, zerbeit du pairatzen.
Bere lagunak zazko, geroztik urruntzen
Bertze eriekin du, arras bat egiten.
15
Panse, etchekoak, gogoan ikusten
Bera ban sekulako, tokian gerthatzen.
Ikusterat es zako, ere nehor juaiten
Bi begiak hor ditu, ahurrez gordetzen.
16
Lehenago baititu, eriak arthatu
Hortako zako gaitza, segurki oldartu.
Frantziaren omena, ere du hedatu
Bainan gure Herriak, serorak ukhatu.
17
Gizon ala emazte, bada orotarik
Afrikan sartzen denik, arimen ondotik.
Bainan serora horrek, guti du parerik
Zer sari ukanen du Jainkoak emanik?
18
Nahi ginuke bada, guk ere salbatu
Bainan guti baitugu, nahi hor pairatu.
Jainkoak ahal dauku, zerutik barkhatu
Borth'ondoan bederen, toki bat beiratu.
19
Kantu hauk eman ditut, Baigoura mendian
Igande egun batez, artzain ibiltzian.
Hanitz da arrengura, gizonen artian
Orhoit nola babiltzan, bertzeak lurrian.