Aize andereari
Hur geldiaren
Berh' igitzean
Itzala zatiz hautsi da;
beren ezpatak
kurutzatzean
ihi buruak moztu dira.
Begi zokoan
asun gisako,
zista bat daukat zirrika;
belhar apalak
makurtzen dira
loreak dohatz itzulka.
Ezpain artean
hurrupatzen dut
Maia deizeko airea
Laur aldetara
hats egitean
Daramala nere deia
Basa bazterrak
urrun iluntzen
Badator aize harroa
laztan luzean
ikara gisa
perekatzen dit larrua.
Ez natzain lotu
igaraitean,
Maia hire haize besora
hitzait urrundu
hindun laguntzen
aize lasterrek itsasora.
|