Fordalidadez eskasak dabiltza
Uria, Juanjo
Uztailak hamazazpi
jarrita genduan,
arratsalde horretan
zazpik inguruan,
gu han aurkeztu ginen
jarri zen orduan,
baina bertsolariak
betiko moduan,
han zebiltzan taldea
ezin osatuan.
Berandu etorri ta
ekiporik gabe,
ezin esan ibili
zirenik dotore,
guk berriz bagenduen
nahiko jogadore,
hauei pitorreoa
egiteko ere,
beti izandu ginen
hango jaun da jabe.
Azkenean hasi zen
partidu-futbola,
ta antolatzaileok
genuen kontrola,
beraiek ezin zuten
iritsi inola,
ta laster etorri zen
Joxe Kruzen gola,
igarri gendun alde
haundia zegola.
Lehen zatian guk bat
ta beraiek zero,
orduan jarri ginen
denok bero-bero,
Aiestak beste bi gol
sartu zitun gero,
reaziorik ez zen
inola espero,
irabazia gendun
lasaitu ezkero.
Beraz esana dago
zein ziren hobeak,
jokalari txukunak
azkar ta trebeak,
halere azkenean
Mendizabal berak,
guri sartu zizkigun
bi gol dotoreak,
baina Txapeldun ginen
Antolatzaileak.
Apustuz AFARIA
garbi ginen mintza,
eta esan zaizute
nola zen emaitza,
irabazitakoan
hura gure ditxa,
baina formalidadez
eskasak dabiltza,
gero ez zuten bete
emandako hitza.
|