Jesus'en nekaldiya!
Urbiñeneako Itxua
Pilatosek epaya eman dizu, Kristo,
Zu gurutze batean josirik iltzeko;
Prest zaude zure odol guztiya ixurtzeko
Ta gugatik biziya pozik emateko.
Izan arren, Jauna, Zu errugabekoa
Arantzaz beterikan daukazu burua;
¡Nekaturik erorka Jesus indartsua!
¡Zorigaistokoa da gure pekatua!
Gurutze bat arturik zure bizkarrean,
Jesus Galbariora or zoaz bidean;
Ama-seme maiteak elkar topatzean,
¡Ai zer samintasuna biyen biotzean!
Irugarren aldiyan erori zerade,
Ta oraindik Juduak oso gogor daude;
Gizon biyotz zitalak, errukirik gabe,
Lagundu bearrean joka zaramate.
Zigorrez urraturik gorputza lenbizi,
Esku ta oñek iltzez dizkizute josi;
Gurutzetik eskatzen diozu Aitari,
Arren barkatutzeko etsai guztiyai.
Zauri bat egiñikan ikusten zaitugu,
Gu zeruratzekoarren odol usturik Zu;
Kristo, barkazioa eskatzen dizugu,
Mariaren bitartez, Jauna, errukitu!
Seme Jesus maitea lurperatutzean,
Ama gelditu zera bakartasunean;
¡Zure begiyak negar malkoz bustirikan
Ta biyotza naigabe askoren artean!