Negar kantuzko ibarra
Uranga, Juan Ignacio
Pozez beterik aditu niyon
Neshkari baiyetzko itza
Andik aurrera neregandu zan
Alaitazunezko bizitza;
Biyotzak dauka geroz berekin
Amoriyuaren giltza,
Zeñak ishurtzen duben nigana
Maitazun gozozko intza.
Gauz gogorra da maitazun gaitzak
Sauritutzia biyotza,
Zergatik berak ekartzen duben
Guregan izordi otza;
Baldin gizona gauz ontan bada
Mintzoz geiyegizko motza,
Arpegi eta begiyetara
Zabalduko zaiyo lotza.
Biyotzak digu legu denetan
Nai duben gisa agintzen.
Non digun buru pakeosua
Gerra biziyan ipintzen;
Gañera berak erakusten du
Begiyak ondo argitzen,
Eta amore kontu guztiyak
Bear bezela garbitzen.
Ibai bateko zurrumbillua
Naspill dabillen bezela,
Iduritzen da amoriyo dun
Biyotz ona dabillela;
Maitazun gogor bernegiya
Bañan obe da epela,
Bada bestela biur liteke
Kolpez bero ura jela.
Maitazunean ikusten degu
Guztiro argi izarra,
Ez dana errez berari kentzen
Zortzetik daukan indarra;
¿Nola pishten da su guchirekin
Errazki arbast igarra?
Ala da zotzen biyotz gurera
Negar kantuzko ibarra.