Musika

Uranga, Juan Ignazio

 Musika deitzen degu

 Pesta danetara,

 Erri aundi, ta chiki,

 Ta zezenetara:

 Baserritarrak ere

 Beren billerara,

 Au gabe ezin dira

 Gogoz juan dantzara.

 Elizan ere bear

 Da soñu ontatik,

 Musika gabe, ez da

 Meza nagusirik,

 Besperak ta gañera

 Urte betetzerik,

 Ez da bada egiten

 Ez bada soñurik.

 Aurchoai ere bear

 Zaiote lagundu,

 Nai bada lotarako

 Abek oyeratu;

 Eta onetarako

 Bear da kantatu;

 Orra zenbat gauzetan

 Musika dan sartu.

 Aserretzen diranak

 Iñoiz iñorekin,

 Adiskidetzen dira

 Gero musikakin:

 Len bekoki illuna,

 Gero argiyakin,

 Sartzen dira pozturik

 Soñu alaiyakin.

 Gazteak onek ditu

 Dantzan ipiñitzen,

 Ezkontzak ere onek

 Ditu ekarritzen;

 Soñua dan lekuan

 Dira ikusitzen

 Len aserre ziranak

 Adiskide jartzen.

 Ontarako ezin det

 Geiago itz egin;

 Gelditzen naiz musika

 Jakin oayarekin;

 Baldin izkribatutzen

 Banuke utsegin;

 Barkatu, ez det egin

 Asmo charrarekin.