Maitasuna
Uranga, Juan Ignacio
¡O, amoriyua, amoriyua!...
Zure mende gauzkatzu
non nai, gau ta egun,
askotan ez dakigu
zer egiten degun.
¡Esna, edo lotan!...
denak lotuak gaude
zure lore sortan.
***
Aiñ zera, aundi eder,
nola zeran fiña,
gure gayak ez dira
zuretzako diña
¡Eta zer pizkorra!...
gizon bat illagatik
zera illezkorra.
***
Kantari
Amoriyoz nausi zeran
nere maitia,
nitzaz kupi zaitia;
baldiñ ontzat badaukazu
nere borondatia,
zure biyotzeko suan
erre bedi neria.
|