Jesus kurutzetua!
Uranga, Juan Ignacio
Guregatikan igo zenduen
Kurutze pisu gogorra,
Busti zediyen pekatuaren
Ibai zakar ta agorra;
Nai izanikan Jaungoiko Aitak
Illtzia zuk gure zorra,
Achi zenduen kalbariyoko
Mendi galanten tontorra.
Judas paltsuan diru gozoak
Zinduzen maltzurki saldu,
Illik, zindezen pekatuaren
Jabe egiñik azaldu;
Zuri zor zizun amoriyua
Zitzaiyon oso itzaldu,
Eta zañetan zuben odola
Itsas ur gisa gesaldu.
Zure bizira utzi zenduen
Borrerotzarren eskuan,
Mundu nastua arki zalako
Biziro trantze estuan;
Zure gorputza busti zenduen
Izerdi odoleskuan,
Gero ill-otza utzi zindazten
Ama Birjiñan besuan.
Iltzez jostia asko etzala
Agai luze-dun sardiak,
Sar zizkitzuten etsai pozoitsu
Zitak ajolik gabiak;
Purrukaturik utzi zinduzen
Pekatuaren katiak,
Zabal zitezen pekatariyen
Salbaziyoko atiak.