Gure pelotariyak. (Luis Samperio, Biktoriano Ganborena)

Uranga, Juan Ignazio

 Pelotari au beso biurrez

 Jokatzen chit da garbiya,

 Zankoz ere da oso azkarra,

 Itz batez ibillkariya;

 Aurrera samar sartzen danian

 Sartu nairikan ziriya,

 Ez da egoten leku batera

 Begira onen begiya.

 Beso biurra chit ona du ta

 Bolea ikusgarriya,

 Kontrariyua iduki oi du

 Tantua galtzez etsiya;

 Aurre jokalai gogorra ez da

 Bañan bai atzelariya,

 Makurketako nagirik ez du

 Bigunki dauka gerriya.

 Plaza ederki neurritutzen du,

 Kontrariyua ere bai,

 Ez da ibiltzen ajol-gabian

 Zenbait bezela nolanai;

 Baizikan zuzen jokatutzen du

 Plazan egonikan ernai,

 Pelotariya ezagutzen da

 Onekin, dan edo ez gai.

 Pelotari chic ona da eta

 Musikan ere azkarra,

 Piano jotzen ibiltzen daki

 Azkarkiro atzaparra;

 Frantzes izkera badaki eta

 ¿Nola ez jakin erdara?

 Orlakorikan ez da agertzen

 Pelotariyen plazara.

 Laster joango da itsasoz aruntz

 Utzirik ama euskara,

 Biurtuko da uda-berriyan

 jayotzezko seaskara;

 Egaztiyaren gisa orain da

 Pelotariyen pasara,

 Samperio da oyetatik bat

 Doana Amerikara.

 Pelotari chit buruz abilla

 Ta begiz oso zorrotza,

 Chiriketako ere badauzka

 Intenziyo ta biyotza;

 Plazan korrika dabillenean

 Badiruri katamotza,

 Orren odola ez da zenbaiten

 Zañetan dan beziñ otza.

 Intentziyua diña baleuka

 Orrek indarra besuan,

 ¿Iñor jarriko ote litzake

 Arbasten kontra orduan?

 Ez det ikusi pelotaririk

 jokatzen orren moduan,

 Ziri pollitak sartutzen ditu

 Plazen pareta chokuan.

 Amaika aldiz ibilliya da

 Pelotan eliz atzian,

 Eta gañera amugilleta

 Deitzen dan eche ertzian;

 Ez du deubora alferrik pasa

 Plazan ta konsejupian,

 Bada kolperik ez du egiten

 Chisterarekiñ utsian.

 Gonetan jarri zutenerako

 Zuben pelotako griña,

 Orrengatikan plazan jokatzen

 Da mutill azkar ta fiña;

 Batzuek diran bezela ez da

 Plazan jokatzen etziña,

 Baizikan da chit gorputzez biguñ

 Ta zankoz oso ariña.

 Iñork pelota jo ordurako

 Badaki nora dijuan,

 Ez da ibiltzen zenbait bezela

 Achitzen iya ituan;

 Ez da aspertzen bi paretari

 Ematen ere beinguan,

 Kontrariyorik ziririk sartzen

 Ez leike jarri kituan.

 Uts une danak billatzen ditu

 Bitoriano chikiyak,

 Kontrariyuai ederki dizka

 Artzen goi ta be neurriyak,

 Lo egoteko ez ditu orrek

 Nabar antzeko begiyak,

 Arritzen gera orri begita

 Egon oi geran guztiyak.