Gure musikalariyak. On Miguel Oñate (Maisua)

Uranga, Juan Ignacio

 Ederkiartzen dizka

 Musikari gañak,

 Bear bezela ondo

 Ornituaz mañak;

 Nola dauzkan artuak

 Ain ongiro zañak,

 Alozez ateratzen

 Diyozka ordañak.

 Musikan egiten du

 Bero diña sayo,

 Lan chit onak dirade

 Beregandik jayo;

 Gauza gogozkorikan

 zortutzen bazayo,

 Utsaldi charrik iñon

 Itzultzen etzayo.

 Berez izanagatik

 Lantegai au zalla,

 Zuzentzen da ongiro

 Artzen duben salla;

 Egokiera onez

 Neurtuaz malla,

 Legun jartzen du luma

 Dagona karkalla.

 Maisu abilla dala

 Ez da zer esanik,

 Iñork uste etzuben

 Orlakua zanik;

 Bere ontasunez da

 Au egon etzanik,

 Onrra da Donostiyak

 Seme au izanik.

 Piano jotzen zuben

 Madrillen ikasi,

 Gero rezan, Iruñan

 Plaza irabazi;

 An aurkestu zizanak

 Zituben chit autzi,

 Zalako jakintsuen

 Soñu jotzen asi.

 Musikak izan arren

 Zazpi milla kate,

 Ez Diyo usten onek

 Denak autzi arte;

 Ala, au izanikan

 Ez degu guk kalte,

 Bestela nai dubenak

 Egin beza galde,

 Zeiñ da Donostiyako

 Maisutzar Oñate.