Franzizko Aizkibel jauna
Uranga, Juan Ignacio
Erato: zuri deitutzen dizut
aldan lenena atozkit,
nere asmoak bete nairikan
zure zai emen nagozkit:
biyotza eta buru argal au
elkar indartzen dagozkit
aben borroka sutsuarekin.
dardarizuak datozkit;
Aizkibel jauna koroatzeko
zure emaitzak betozkit.
Aren biyotza denok dakigu
oi zala izan kupikor,
eta itzaldi samur gosuaz
guztiz gainkiro mugikor;
¿nola da kolka bere izatez
echerakoi ta urbilkor,
chito chikiyen zaitzalle on ta
amatasunez umilkor?
ala zan buruz Aizkibel jauna
izkira ederren bilkor.
Malla goitsura eziñ irichiz
burua dabilgu doi, doi,
bere nagusi zuzendariya
edo biyotzaren morroi;
ikasgayetan asko gerade
aul edo motel izan oi,
bañan kondairak esaten digu
orrolakuak geranoi,
Aizkibel zala dizdirasunez
alcha izarrak beziñ goi.
Eunkiden bat, igaroa da
Franzizko Aizkibel ill zala,
Aula Euskara maitiarentzat
zoragarrizko itzala;
bera izentzen aditu nuben
mutill chikiya nitzala,
aren itz onak zure buruak
oroigarritzat ditzala,
ta berak jarri zigun bide on
artara Jaunak gaitzala.
¿Nola gentzake aztutzat utzi
aren izen omentsua,
Euskaltasunez izana bada
leñargiti goyentsua?
aunditasunez aiñ zan galanta
seme on eta zintzua,
bere jakinde aundiz argitu
zezakiena itzua,
alakuakin senda leike gaur
Ama Euskara mintzua.
¿Nola izarrak goi garbi dala
dizdiratzen dute goya.
eta aitzurraz erabiltzen du
nekazatriyak lur zoya?
ara mogitzen zuben Aizkibel
jaunak iñozuen loya,
izkira onez egiñik zintzo
jakintsunari oya;
orrelakoak merezi luke
diamantezko koroya.
Ametsa dala diruri bañan
egiya bere bidian,
ikusten degu aren egintzaz
zakokirozko fedian;
-Euskaragana zeukan maitasun
aundiya biyotz berian,
Aita on aren gisa gu ere
egon gaitian gerian,
baldiñ oiturak nai badituzu
iduki beti lenian.
Itz egin beze arsisak eta
errekachoko izayak,
chori chiki ta kirkir berritzu
igelakin bat arrayak;
zutitzen diran gisan biyotz on
maitasunera sar nayak;
zutitu bitez Izarriz tar on
Azkoitiyako galayak,
jaigarri ontzat apain ditzaten
biltokitako agayak.
Gauza guztiyak dira dutenak
bakoitzak beren banaita
Aizkibel zanan izena bear
degu biyotzetik maita;
oju batek dit neri barruna
oso mugirotzen naita,
zeren jakintsu aren izena
mugirotiya chit baita,
koroitu bedi dizdirantez ta
urrez, euskladunen Aita.