Donosti pollita
Uranga, Joan Inazio
Donostiyari ez lezayoke
iñon koroirikan jarri,
zergatik dauzkan berez zortuak
egokitsu ta ugari
eta gañera osasunezko
putzuan dago igari,
non zaizkan ate zitalak isten
sasoi berean gaitzari.
Zubiyak dauka alde batetik
oso gauza egokiya
diruri dala egaztiyentzat
egiña dagon tokiya;
zurriola da bere izenez
paus-ibill leku garbiya,
loretegi ta suaitz ederrer
dago ederki jantziya.
Onuntz datorren arrotza bada
arki barrundik eriya,
Konchak ezkeintzen diyo oparo
osasun guztiz berriya!
bisaje charrez datorrenari
argitzen diyo begiya
bai eta ere ariñ ta bigun
jarri badago nagiya.
Igeldotikan jarri ezkero
Donostiyara begira,
berdin gabeko poztasuna da
sartzen biyotzan erdira;
urez ederki apaindua du
Uri pollit onek jira,
onlako erri egokirikan
iñon beste bi ez dira.
Uliatikan begiraturik
zubi eder ta berrira,
agertzen zaigu zer ederra dan
duben sarrera errira;
erri askoren artean au da
irtetzen goitzu argira,
¿zer mintsu ez da gogoz etorko
osasunaren kabira?
Asko otortzen dira onera
beren biziyaz, etzita,
gero ditezen joan emendikan
erru char denak utzita;
galik onenak dauzka berekin
ain dago ondo jantzita,
osasunari dagokionez
au da Donosti pollita.