Biyotza
Uranga, Juan Ignacio
¿Zer dan diyozu gugan daukagun
erabilkay edo giya?
gure gorputzan zuzen ardatza
egizko agintariya:
berak argitzen digu burua
eta begiko niniya
(da esatia) bera degula
maitasunaren kabiya.
Biyotzekitan igotzen dira
asmakisunak burura,
bera jasoaz otoizkisunak
egiñ oi dira zerura;
kabi ortatik bidezten gera
izate guztiz eztura,
osa dediyen Jaungoikuaren
zuzende eder on ura.
Zori onaren gorde kucha ta
charraren zalbatzallea,
maitasunezko su biziyaren
chingarra zabaltzallea.
zerala nago, uste osuan,
gañera indartzallea,
gordekoiturik dauden asmoen
argira azaltzallea.
Zuk dizkigutzu gorputz zatiyak
zure mugidaz ibiltzen,
eta gañera gure almenez
dauzkagun indarrak iltzen;
argitasun ta jakintasuna
dituzu burura biltzen.
nola dituzun mingaiñ pozoitzu
denak osoro ishilltzen.
Katibatzalle gogorra zera
pushka chikiya izanik,
ez nuben uste zure mendian
beñere jarko nitzanik;
farragarritzat artutzen nuben
au iñork neri esanik,
bañan gaur nago maitasunezko
iturrichotik edanik.
Itur buruak darabilkiyen
bezela ura nora nai,
darabilkizu gure zañetan
odol biziya nola nai;
zure bultzadar jartzen dirade
gure begi biyak alai,
¡O, biyotz ona! zuk mugirotzen
dezu zenbait gazte alai.