Bi gizonen tema
Uranga, Juan Ignacio
Arrazoirik iñola
nai azikan eman,
bi dantzari aserre
egon ziran teman;
batek ziyon onela
osan besteari,
zarrak ez lezayoke
utzi gazteari;
eta nai dezunian
progatako gera,
nai badezu jiraka
edo, goi ta beera;
neroni joango naiz gaur
bi gizonen billa,
zergatik dantzarako
naizen chit abilla;
gazteak onla diyo
farrez ero, ero,
plazan gera gu biyok
progatuko gero;
aurreskua lenengo
dantzatuko degu,
baldiñ biguntasunak
laguntzen badigu;
gero onen urrena
zorziko chikiya;
onek zarra bear du
izan, ez berriya;
an ikusiko dira
gure chishbiurrak,
eta bigun dauzkagun
ere zank'ezurrak,
alkateari eska
bear zayo plaza
dantza zagun fandango
edo kontrapasa
ala zeriyotela
biyai autik itza,
ziran elkarrentzako
gogor-kiro mintza;
ez dakit apustura
ote zuten joka,
bañan tabernan jarri
baizuten borroka;
aserretzeko zuten
biyek elkar topa,
zurrutaren indarrez
asitzeko joka.
|