¡Bakardadeko ama!
Uranga, Juan Ignazio
Alargundurik dago
Amacho negarrez,
Dagolako gajua
Biyotzetik miñez;
Gaitz ortatikan dago
Sendatu eziñez,
Oso penaturikan
Gure utsegiñez.
Bakardadeko ama
Maitecho euskera,
Igo dedilla aritz
Eder goi artara;
Eta zabal ditzala
Euskal menditara,
Orri eder zabalak
Arbol gañetara.
Fuero zarren landare
Aritz euskalduna,
Orri eder ta gerri
Guztiz gogor duna;
Orrek indartuko du
Ama alarguna,
Gogorturikan oso
Gaisuan barruna.
Egin zagun guztiyak
Biyotzez aldana,
Guazen poztu dediyen
Gajuarengana;
Negarrez dago beti
Gugatik ¡au lana!
¡Bakardadeko gure
Euskararen ama!
|