Antonio Ezponda gidari Urnieta-n

Uranga, Juan Ignacio

 Gure gidari zan, Antonino

 Ezponda Euskal Nafarra,

 biyotz alaidun beti gazte dan

 jostalari ta azkarra;

 iztun ederra, euskal zale on

 Donsotiyaren naidarra,

 gizatasunez goi mallan dagon

 gai on-etako maidarra.

 ¿Eta, Lorencho Arrillaga ta

 Laureano Echeveste?

 maidargayetan badira biyak

 Antonino dan ainbeste:

 egiya dala ichumendurik;

 chinistez egon gindizke,

 batasunezko lokarri zendoz

 irurak lotu litezke.

 Aranberri-tar Manuel ere

 an zan pozkiroz gurekiñ

 zeñak zituben gure anzesta

 denak ekarri berekiñ;

 eziñ zuzenduz ishtillu asko

 erabillirik birekiñ

 aserretzeko gisan jarri zan

 beste bat eta nerekiñ.

 Urnietako ostalariyak

 zizkigun maira ekarri,

 zopa koipatsu onan ondoren

 jaki gashuak ugari;

 eta sagardoz jarri ginduben

 an geunden denak igari

 azkenerako i-ka geniyen

 itza trukatzen elkarri.

 Echezarreta Juan Kruz-ek eta

 Ziriako Eizmendik,

 Eslabu zanan salben zuten

 kantatu guztiz goyendik;

 boz lodi eta shamurra zuben

 zabaldu eliz barren guztira

 neurripe onez lenendik.

 Eta ergo alborata nostra

 illos tuos, gogoz diyo

 muga bekotik errestasunez

 zuben goikoraño iyo;

 denak ziyoten; boz eder ori

 eztarritikan darriyo

 chalokatzen det, guztiz ziñezki

 dubelakuan baliyo.

 Eliz bereko kantari eta

 organistaren nagiyak,

 kendu zituben egun artako

 ango kantuzko ariyak;

 baziruditen zirala denak

 beti ortara jarriyak;

 ugari bitez aren gisako

 boz eder eta larriyak,

 kanta dezaten goikidaturik

 eztarri legun garbiyak.