Amets bat
Uranga eta Berrondo, Juan Ignazio
Bart arratsian oyeratuta
Lendabiziko burura,
Sartu zitzaidan igo nitzala
Egaturikan zerura;
¿Amets gozorik ote da bada
Berdintzekorikan ura?
Aingeru eder zeruko bati.
Begira nion korura.
Aingeru arren edertasunik
Jarri ninduen pomurik,
Nere artian esaten nuben
Etzala iñon besterik:
Beste bat ez det ikusiko nik
Ori dan beziñ ederrik,
Nere iritziz ez da zeruan
Orrelako aingerurik.
Orlako gauzak amets egiñaz
Etorri zitzaizkidan bart,
Ta berriz ere desiatzen det
Beste orrelako gau bat;
Berriz ere gaur amets eder au
Bururatuko zait anbat,
Errezatuaz oyera joana
Batere penik ez daukat.
Nere biotza gaur dago bada
Atsegiñ aundiz beterik,
Ez dago bada nere buruan
Au beste pentsamenturik;
Aingeru eder zoragarria
Zeruetatik jechirik,
Nere echian gaur sartuko da
Atzo bezela bakarrik.
Alako gauza eder bat zuben
Diz-diz egiñaz buruan,
Orrelakorik ez da arkitzen
Gizonen bizi-lekuan;
Esaten zidan aingeru arrek,
Jarririk nere onduan,
«Jaungoiko Jaunak emango dizu
Berekin parte zeruan.»
Dana zan bada alaitasuna,
Amets gozoa guztia,
Dana zan bada nere aurrian
Aingeru ura jartzia:
Dana zan bada zeruetako
Ateak idikitzia,
Ta suletzeak ate zakarrak
Kolpe batian istia.