Amalauduna. (On Manuel Ayestaran jaunari)

Uranga, Juan Ignazio

 ¿Nola kanpuak udaberriyan dira loratzen?

 Ala da orain gazte bat jantzi ederki lorez,

 Saritu dute maisu aundiyak ikasle onez

 Non dana duten leku goiyera oso alchatzen.

 Ipiñi gaitu adiskide on danok zoratzen,

 Au esateko ez gera bada egongo lotsez,

 Baizikan gera chalo jorikan egongo pozez

 Non ta ez geran chalo bullakin betiko gortzen.

 Ayestaran da Donostiyako seme argi au,

 Sendagiñ orain datorkiguna jaiyoterrira;

 Amaika aldiz libru aundiyai egun eta gau

 Eman diezka gogo onakin milla bat jira;

 Bada choriyak udaberriyan ainbat poztu nau

 Non, jarri nauen zalantza aundiz berari beira.