Amalauduna (On Karmelo Echegaray jaunari)
Uranga, Juan Ignazio
Izkribatzaile gaiņ gaņeko bat Karmelo dala
Euskal-erriyan geiyenchuenak ondo dakigu;
Moldaeracho eder ta asko ipiņi ditu,
Bada euskaldun artean Jaunak opa dezala.
Amets ondoren oroi-zitzaidan egin nezala
Zerbait, zein dan au orain ta gero gaiten oroitu;
Ez dediyela luma-neria bada ordoitu
Jaun aundiyari eskatzen diyot argi nazala.
Gazte zalarik izkribatutzen gogoz asi zan
Amagandikan ikasi zuen izkuntz onean,
Euskal-artean askok dakigu gazte au zein dan;
Dakigu ere egon oi dala libru gaitean,
Orrelakoak ama euskarak dezazkiņ izan
Eska zaiyogun Jaungoikoari gure lurrean.