Aita Larramendi-ren berreunkidan. (Amalauduna)
Uranga, Juan Ignazio
Jakindurizko lorez jantziya Euskal-errira
Jaiyo zan, gero ibill zediyen itzak apaintzen,
Ez da erraza ari diyogun zorra ordaintzen
Jartzen bagera itztegiari ondo begira;
¿Nola olluak chituak ditu iskintokira
Ekaitzarekiñ ikaraturik legorreratzen?
Ala berean zituen itzak bereganatzen
Aita jakintsu argidotarrak librutegira;
Guria aundiya zeukan beregan jaiyo zanetik
Bere sorterri maitia apaindurik uzteko,
Eta ain gogor icheki ziyon oso zañetik
Bere ondoren sortzen ziranai erakusteko;
Oroi gaitian euskaldunari chic biyotzetik
Esan zigula Ama zarrati ondo eusteko.