Udaberria
Uranga, Imanol
-1-
Zori oneko udaberria,
etorri zera gugana,
eguna luzau ta gaua moztu,
poza ekarri duana;
garai bateko aize traketsa
ta biurria juana,
orain portatzen bazera ondo
egiņa daukagu dana.
-2-
Loratu dira txerben da aran,
melokotoi da kerezi,
txoriak ere egunsentian
kantuan goxo ta bizi;
itxura ona daukazu eta
txartutzen etzaitez asi,
gaizto samarrak bagera ere
oinbeste ez deu merezi.
-3-
Oetik jeiki goizian eta
leiua irikitzian,
lore-usaiko aize preskua
musutara etortzian,
goiko mendian txori-abestia
txirritxioka aitzian,
uste gabeko poz atsegiņa
sartutzen da biotzian.
-4-
Alde batera gure mendiak
ez du antziņako antzik:
goiko maldetan ez da ikusten
pago eder da aritzik;
pixkat bai, baiņo nai aiņa ez da
aitzen kukuen abotsik,
euskal arbola ez dan tokian
txori onek ez du itzik.
-5-
Mendi-maldako zelai urdiņa,
zu're zaure loratua;
baserri-ataiko baratzatxua,
zu ere dotoretua;
arkumetxua salto ta brinko,
oien ezin geratua,
udaberria berriz pizteko
zu zera aukeratua.
-6-
Artzai maitea, zuri be
negua zeuan artian:
elur lapratxa ta aize be
oiņetara etortian,
burua makur eta tristura
zeure biotza betian;
orain tente ta txistutan
txoritxuakin batian.
-7-
Ai, sakoneko errekatxu
lenago ziņan zakarra,
orain xuabe ikusten zara
zeure arteko marmarra;
oain berde dago zure,
soillik zegon altz-adarra
erdi illian zeuden lande
eman diezu indarra.
-8-
Leno esan det, mendi-a
jarria dago lutua,
piņu beltz orrek pamili
euki biar du prutua;
xelebria da oien gaiņian
gutxi jartzia kukua,
txori maitea, etorri urte
izango dezu lekua.
-9-
Udaberria, geientxunian
zuk daukazu garizuma,
anai-arrebok, badakizute
daukagun eginkizuna:
Pazkuakua egin dezagun
kendu pekatu lizuna,
sufritu eziņik iņorentza
alkarrentzat maitasuna.
-10-
Segi deiogun bizimoduan
kristau jatorren dotriņe;
lagun urkoa apartau gabe
beti maitasun berdiņez;
oitura ona gorde dezagu
geure intentzio fiņez,
gorroto txarra bera bota,
alkarri ondo egiņez.
|