Biraoa
Uranga, Imanol
Jai egun baten mendian izan
da bera natorrenian,
basarri txuri polit bat zeuen
antxen beko barrenian.
Amonatxo bat aurtxoak zaitzen
ataiko eskapenian,
kontu batzuek asanda etxera
abiatu nintzanian,
penaz beterik nago gaur, seme,
esan ziran azkenian.
Len da biziko enun ulertu
amonatxoak zertzu nik,
esan ziraden gaur kristau askok
ez dadukate zentzunik,
penatua naiz Jaunaren kontra
birau zikiņak entzunik
Bide ontatik baldin baguaz
ez dadukagu gauz onik,
ez nuan uste Euzkalerria
onta biurtu bertzunik.
Koadrilla bat bajatua da
goi alde ortan izan da,
nere ustetan geientzuenak
gazte xamarrak ziran da,
ez dakit zeuden txoraturikan
edo bestela eran da,
beren artian ateratzian
ez baia edo demanda,
gauza guztia arreglatzen da
birau zikiņak esan da.
Amonatxuai itz auek entzun
egin nuan esamiņa,
arrazoi dezu pentsatu nuan
biotzez artzia miņa,
sarri askotan gizona bai da
guztizko buru ariņa,
gure Jainkoak itz egiteko
emana zigun mingaiņa,
ta begira nola eskertzen degun
botarik birau zikiņa.
Mundu onetan ai bagerade
makiņa bat kristau eskaz
burutik ondo ez dabillanak
gutxi egiten du ankaz,
tontokeria alde danetik
eta or gabiltz erronkaz,
birau zikiņa gora ta bera
eta errezua nekaz,
ber dan tokian itz egiteko
iņoz ez dirade kapaz.
Gauza au ikusi izan dua det
iņoiz pentzatzen egonik,
iņork esango al niki neri
diskuidaduta nagonik,
aundi urteko arrokeria
bere aldian izanik,
maldizioka gora ta bera
or abiatu danik
sekulan ere ikusi al da
iņun pintatu duanik.
Biraulariak geien partean
ditu mingaiņik luzenak,
zer zaten degun arrasto gabe
bide txarrez guazenak,
Aita gurea naiz da jakin ez
autan Santuen izenak,
arrokerizko mobimentuak
dirudigula zezenak,
ber dan tokian azaldutzeko
iņor geran eskasenak.
Birau zikiņez zikindu zaigu
gure goiko mendi balda,
birau zikiņa goizean jeiki
lan tokira juan da,
andikan erten entzuten dezu
ardaudegira ibual da,
danok anaiak gerade eta
galdetutzia pena da,
bizio txar au euzkaldunaren
gandikan sortua al da.
Ai! Euzkal erri maitagarria
etzaitezela ondatu,
naiz juan garren akaitz gaiztoak
beste ainbeste olatu,
mota zikiņa eten lenbaitlen
eta garbia aldatu,
bere kemenik galdu ez dedin
sarri askotan jorratu,
euzkaldunaren oitura ona
beiņe ez dedin borratu.
Etzaitezela orrein tristetu
aizu amona kutuna,
mendi baldako birau zikiņak
menperatua zaituna,
beti bat degu zeru ta lurra
danak beriak dituna,
azaldu zazu patxara onez
daukazun biotz biguna,
bide onetik asten ba gera
allegauko da eguna.