Pipar potoa
Unanue, Jose Manuel
Makila salda ondoren
jan genezakeen
plater bakarra
izan zen pipar potoa.
Okasio seinalatuetan
herriak jantzi behar zukeen
trapu zaharra
arasetan usteldu zen.
Gezi hiltzaileen
eta minagoa zen
uztarri humilantearen laguna
izan zen berrogeitan berrogei.
Oka eginda, gogaituta
korroskada itzalez
jaurtiki genuen entrainetatik
eta harritu egin ziren.
Aldatuz gero, agian
gehiago gustatu zekigukeen:
bi galsoro erreka odol
batez zeharkaturik.
|