Argiari, bere egunean
Ugalde, Miren
Donostiako Egia auzotik
datorkigu notizia
abenduaren bata dutela
egun gozo ta haundia
Euskal Herriko txoko guztitan
zabaldu dute berria
euskaldun oro ad ta erne
badator eta ARGIA.
Orain ARGIA bakarrik eta
lenago berriz Zeruko
goiko laguntza baztertu eta
egin el zioten uko
baina Jainkoak ez zitun nonbait
erabat bazter utziko
zulo, hartatik atera ziren
ez dira errez isilduko.
Indar haundirik ez dakit baina
erruz malizi ta maina
bazter guztiak nahastutzeko
hortatik dute nai haina
berriro ere harpidedunok
errez gaituzte engaina
diru geiago kobratzearren
Koxka sartu alajaina.
Baina oraindik ez da bukatu
esan dezagun egia
talde horrekin erne lagunak
ongi ireki begia
edozeini ta sartzen diote
ustekabean ziria
hurrengo tranpa badakin zein den
erdian den komikia.
Sekula baino indartsuago
omen dabiltza ta aurten
urtekaria iaz baino're
hobea omen da irten
ez ote dira Argiatarrok
gehiegi hasi harrotzen
hola jarraitzen baldin badute
belaxe nagusi hemen.
Batzuek alde besteak kontra
baina dago frogatua
lanik gehiena egiten dunak
irabazten apostua
negar puska bat ein duten arren
badaukate meritua
gaur ARGIAren harpidedunoi
ematen digu gustua.
Astero garaiz irtenez gero
zuek munduko onenak
baina jakinak dira horrela
lan egitearen penak
segi aurrera t'hartu ARGIAn
zorionik beroenak
badakizue zuen atzean
gaudela euskaldun denak.