Usquequo, domine
Jauna, noiz arteraño
nitaz antziko zera,
noiz arte ostenduko
didazu aurpegia?
Noiz arte ibilliko da
kezkaz nere gogoa,
egunez min-neketan
nere biotz gaxoa?
Noiz arte jaikiko da
nere aurka etsaia?
so-egidazu arren!
entzun nere eskaria.
Jainko Jauna, begiak
argitu zaizkidatzu,
erio-lozorroak
bein ere ez nazan artu.
Nitaz etsaiak noizpait
esan ez dezan arro:
«Garaitu dut oraintxe
eta gaindu natzaio.»
Ni ertsatzen nautenak
alaituko lirake,
kolokatzen naizela
nabari balezate.
Nik ordean uste dut
zure urrikalpenean,
pozkarioz yauzten naiz
zure gaizkapenean.
Nere ongille Jauna
onetsiko dut beti,
arai-egingo diot
Jaunaren izenari.
|