Uskeriak

 1)

 Maribel'ek Aldeko'n

 katuari ziri,

 katuak erpiagaz

 min Maribele'ri.

 2)

 Ane Miren txikia,

 zorionekua!

 basuan aurkitu dan

 zugatz gozozkua.

 3)

 Itziar Barrenengo

 txepetxen atzetik,

 txepetxak iges deutso

 esku bitartetik.

 4)

 Marisol'en loria

 usaintsu, polita,

 eguzkitan nun daukon

 uretan bustita.

 5)

 Txirtitza'ko Begoña

 or estu ta larri;

 Dotrinan egin deutse

 belarritik "arri".

 6)

 Ane Miren guria

 makal ta bildurti,

 ezerbezgaitik dago

 negar baten beti.

 7)

 Txirtitza'n Miren Jone'k

 andi nai dau izan;

 esnetan morokilla

 arek bai gogoz jan!

 8)

 Gozoki billa Jone,

 aurkitik jausita,

 arrantzaka or dabil

 mustarrak ausita.

 9)

 Anjeles'en arduran

 Otein' en ezkatza,

 larregian darabiltz

 azukre nai gatza.

 10)

 Anjeles'ek Goitiz'en

 amari lan egin,

 azpillak garbituta

 esniak irakin.

 11)

 Garai'tik ikastolan

 agertu danetik

 Anjeles'ek ez dauko

 ikasten gogaitik.

 12)

 Solauneta'n Bitore'k

 oilluen ardurak:

 "Zatozte bizkor jaten,

 kurra-kurratxuak".

 13)

 Beingetxe'n Begoñatxuk

 nebatxu bat dauko;

 mosuka erdi jan dan,

 ez dauko saltzeko.

 14)

 Naiñone'n aita ta ama,

 Zarandu'n aititak,

 Errosa-Mari'k baukoz

 nun ondo egonak.

 15)

 Bitore aman lagun

 andratxu egiña,

 Etxebarri guztian

 gelditu eziña.

 16)

 Pili'n oillolokiak

 amazazpi txita;

 gorri, zuri ta baltzak

 aldratxu polita.

 17)

 Arritola'n Maribel

 alaba bakarra,

 Donianetan dakar

 elorri adarra.

 18)

 Urkitza'n Mari-Tere

 lorazko jantzita,

 amak ipiñi deutson

 soiñeko polita.

 19)

 Eskolan agertu da

 laguntxu barria,

 Guenengo Marisol

 neskatil argia.