Urzoa.
1
Urzo luma gris churia,
Jakintzak hire bidea.
Ziloka horiek utzirik, barazak hemen juaitia;
Mendi Pareta pollit huntan, baduk hiretzat lekia.
2
Nahi dut juan erditik,
Ez duket hor, nik lanjerik.
Nahi baduzu zuk igorri etcherat zure berririk,
Airian pasatuko niz laster Donazaharretik.
3
Ez dut ikusten, urzua,
Ochkach handiko lephua?
Hango saretan utziko duk, segur hik heure burua
Nahi baduk hor eskapatu, jozak hegalez zerua.
4
Hanitz esker zuri, jauna,
Hartzen dut zure errana.
Ochkacheko makil zuriak, Duprat nauslaren lana,
Utziko ditut erortzorat, eta juanen niz aintzina.
5
Urzuetan ederrena,
Jainko Jaunak hek egina,
Mendi gorak iragan gabe pasa zak hemen eguna,
Iratiko oihanak ez dik emanen ezkur huna.
6
Ezkurrak ez du parerik,
Hartarikan maite dut nik.
Bainan zure ezkurra zer den goguan dut iraganik,
Botigetan saltzen den draja harman duzula emanik.
7
Urzo tchar mehe perdela,
Bichtatik hail berehala!
Indar handirik ez ukanez juaiten hiz aPhal aphala
Agian ez duk pasatuko bizirik ochkach hegala.
8
Oraichtian nintzun eder,
Kanbiatu nuzu laster.
Adios beraz, jaun Bidarte, bi mila zuri esker;
Nahi baduzu gaur aphaldu, habilkiago joka bertzer.