Urzo luma gris gaxua
Urzo luma gris gaxua
Ore bidajin baua
Gertatzen bazaik mus de Sarri, jaon apetitu un ura,
Begiz ikusten balin baai; Petiriñalat baua.
Urzo gaxuak umilki
Diozu mus de Sarriri
Egundano eztereiola ogenik egin jaon ari,
Utzi dezan igaraitera usatu dian bideti.
-¡Auer duk, auer, urzua!
Juratu diat fedia
Aurten, aurten, jin beardiala eneki Petiriñala,
An nik emanen dereiat artoz eta ziz asia.
-Artoz asia un duzu,
Libertatia bagunu;
Oriko bago ezkurtxo urak guri obetxe zizkutzu,
Anglesa Frantzian sartzen bada, Españialat baguatzu.
-Urzua, ago ixilik,
Frantzian eztuk Anglesik;
Bayunara jiten badira Agramuntek ilen tik
Petiriñalat eztuk elturen zaragola luze etarik.
-Fida niz zure erraner
Fidago ene egaler;
Goraintzi erran bear derezu jiten badira Angleser,
Nik ere ber gisan erranen diet Español papo gorrier.
¿Go'aintzi erraile Angleser
Ni naik'ezarten mezuler?
Orai diat, orai, ikusten nitzaz izala trufatzen;
Bena enaik, beste urte batez, bortian otzeraziren.
-Jaona, zuaza etxerat,
Mauletik Petiriñalat,
Txori ola bilagarro gizen zunbaiten jatera,
Urzo egal azkartxo oyek eztira zure bianda.