Bertsolari eguna
T.
Nere adixkide Txomin'ek eskatu idatziak.
Donostia'ko poxpoliņetan
oste aundia bildu zan
bertsolarien gudua zala
ta entzuteko asmotan
areto dena betea zegon
atzean eta aurrean
baņan batzuek gelditu ziran
ezin sarturik atean.
entzun nai eta ezin entzunik
berandu joanak damutan.
Antzoki arren edertasuna
nun nai ikusten ez dana
ainbeste gizon ta emakume
apaiz ta lege gizona
danak batian txalotzen zuten
bertsotan ondo aizana
eta guztiak esaten zuten
ori bai dala bai ona
baņan bestiak egindakuan
au dek danetan onena.
Onda egon giņan guziok
irunbat ordu entzuten
eta alare aspertu eta
etzan iņortxo altxatzen
beste ainbeste jardun bazuten
bertsolariak abesten
gu bertan geldik egongo giņan
ezpagiņuzten bialtzen
gure barrengo plakiya ere
ez gendun bate nabaitzen.
Bertsolariak aritu ziran
beren saioak egiten
iņorrek ere etzekiela
ondona zeņek in zuten
alaz guztiaz ere batzuek
bazekiten bai berezten
bertsolaritan onentxuenak
iru edo lau banatzen
andik aurrera izen batzuek
oso maiz ziran entzuten.
Bazkal onduan berriz an giņan
gu entzuteko griņakin
bagenekigun ba olakotan
aitzen dirala gatzakin
eta guk uste izan bezela
bazuten denak piper min
alkarri gogor zirikatuaz
ekin zioten oso piņ
batek besteri igartzen zion
oso errex nun zeukan miņ.
Orrela denak ari zirala
epaikaria altxa zan
sari guziak zabaldutzeko
eragozpenik ez ba zan
lenengo sari eun laurleko
"Basarri"rentzat izan zan
ta bigarrena Larralde gizon
jatorrentzako autu zan
irugarrena Zepaientzako
Alkaiņ'entzako ere bazan.
Auek entzunda guzientzako
makiņabat txalo baziran
oste guzia txoraturikan
bertsolarien aurrian
denen izenak ibiltzen ziran
abo baten da bestian
goralduaz au eta bestia
bakoitza bere neurrian
ango txaluak geienak beintzat
"Basarri"-ntzako jo ziran.
Bertsolarien eguna zala
ta zerbait nai nun nik jarri
baņan bertsotan txarra naizela
ez ote dute igarri
ni bezelako bertsolariak
nai duna eztu ezarri
alaz guztiaz ere gaurkoan
izan itzazun pozgarri
ARGIA bidez nik zorionak
bialtzeizkizut, "Basarri".