Atxo bat ezagutu nuen nik
Ebaisto Txurruka
Atxo bat ezagutu nuen nik
Txit gaztea nintzanean
Motriko aldetik irten gabea
Bere bizitza guztian.
Bein joan omen zan geldirik geldi
Aribiņeta gaņera
An exerita arri gaņian
Jarri omen zan begira.
Andik Izarraitz ta Anduz mendia
Agertzen dira txit ondo
Lastur ere bai, zorionezko
Itxuran asko geiago.
Gure atxoak ainbeste mendi
Agirian ikusirik
ĄJesus au mundu aundia! esan
Zuen txit ikaraturik.