Mendi-gallurra
Txolarre
Maite ditut gallurrak
Argiak ez beste...
Ai, egaztia ba'nintz,
Gaņik-gain nenbilke!...
***
Ai, udaberri-goizez
Mendiaren gallurra!...
Ai, aren amesezko
Zorakortasuna!...
Zein ezkutuzko indarrez,
Zein atseden-egarriz,
Zein gorago-joranez
Narakark igana?...
Egiz, maitagarriak
Dituk ire basotan?...
Egiz dek asnaskai bat
Ezilgortzen duna?...
Egiz, eguzkiaren
Lendabiziko munaz
Sortzen dek zorunaren
Lore ezezaguna?...
Nik amestan bezela
Ete-aiz, mendi-gaņa?...
Goi-jauregiko malla?
Gotzonen urbilgo?...
Egiz, Jaun-goikoaren
Esku ta aunditasuna
Ete-dituk an goitik
Nabaitzen bertago?...
Ire goi urdiņaren
Urre laņotsupean
Beko txikerkerion
Azkaia ba'legok,
Arren, aizkide urruna,
Otoi, mendi maitea,
Negar-aran beltz oni
Kendu nazakiok!
***
Maite ditut gallurrak
Argiak ez beste...
Ai, egaztia ba'nintz,
Gaņik-gain nenbilke!...
|