Igesi
Txolarre
Beņola, uxo bat, nere amesen
Goi urdiņetik jetxita,
Otzan-otzanik geldi zitzaidan
Zabaldu nion eskuan.
Aren ederra!... Biotz-biotzez
Maite-izan nuben bertatik...
Ai, nere pozaren poza, berak
Ala ba'nindu maite ni!...
Baņa, bat-batez, atsedenduta,
Zabaldu zitun egoak.
Eta, amesezko zabala-zear,
Arin ostendu zitzatan...
Nere amesen ortzea, geroz,
Urdingetuta, goibel da;
Ta ni betiko, geldi-geldirik,
Ortze-mugari begira...
Uso laztana, berriz atorkit,
Arren ames-goia urratzen!...
Ai, lur aztun au ezin utzita!...
Ai, ba'neki nik egatzen!...