Gastearen otoia
Txolarre
Jauna, nere otoiak,
Arren, entzun itzazu...
Gogo nekatuari
Eman, arren, gentza...
Osertz-illuna autsita
Gauan izar bat jarri...
Eguzki-izpiz argitu
Nere etorkizuna!...
Ongi nekien, Jauna,
Seaskan ikasita,
Zuk dezula bakarrik
Pozkidaren giltza;
Iñoiz aztuta ibilli
Ba-naiz, azketsi, Jauna:
Gaur banator eztia
Billatzen Zugana...
Zaurituta, gaxorik,
Gazterik nekatuta,
Listor-eztiz aseta
Samiñez gogoa,
Ezti zeurea nai-det,
Ezti goitar gozoa,
Ludiko loriena
Ez bezelakoa...
Nere udaberriaren
Egunik gozoenak
Ega zaizkit, usteta
Betiko nitula;
Eta, amesak etenda,
Zimelduta loreak,
Arkitu det gogoa
Goizegi zartuta...
Bizitzako bidea
Arantzezkoa dala
Igertzen asten geran
Bide-unean nago...
Atzean... lore etenak
Estalita bidea...
Aurrez... goia beltzago
Negu-gaua baño...
Ta, illunpean?, nora da
Bidearen txurizka?
Arren, zein da ta, Jauna,
Nun NERE BIDEA?...
Osertz-illuna autsita
Gauan izar bat jarri
Zazu; ta, arren, argitu
Nere etorkizuna!
|