inprimatu
Mattinek pilotaz
Izenburua:
Mattinek pilotaz
Sinadura:
Treku, Mattin (Mattin)
Urkizaren iruzkina:
Egilea(k):
Treku, Mattin

Argitalpena:
Herria.
Urtea:
1957
Argitalpenaren urtea:
Alea:
345.zk.
Orrialdea:
4

Mattinek pilotaz

 

Treku, Mattin (Mattin)

 

 1

 

 Pertsu kantatzen hastera noa pilotarien gainean

 Sujeta baten beira, nindagon joan deneko aspaldian.

 Lau gizon direnean

 Plaza baten erdian

 Galtza churitan abian

 Lanean,

 Libertimendu ederragorik ez da guretzat munduan.

 

 2

 

 Zango ta basa, buru ta begi, belaunak eta gerriak,

 Zalhuak eta hazkarrak izan behar tu pilotariak.

 Batzuek aintzinetik,

 Bota eta airetik...

 Bertzeak gibelariak,

 Handiak;

 Partida batian ikusten dira bakotcharen negurriak.

 

 3

 

 Berri-berritan entzunak ditut gizon batzuen erranak,

 Etchemendi ta Haran direla gibeleko hoberenak.

 Zango eta begiak,

 Beso izigarriak...

 Gaur hoiek dituzte famak

 Onenak...

 Harambillet ta Agerrek oino emanen dazkote lanak.

 

 4

 

 Harambillet ta Agerri ditut zorionak desiratzen,

 Hoiek bezala jokoa ez du edozoinek begiratzen.

 Hogoi bat urthe pasan

 Trinketan ta plazan

 Ikusten dira jokatzen,

 Finkatzen...

 Oraiko gazte gutichko oraino hoitarat heltzen.

 

 5

 

 Ene eskerrak Vivier, Laduche, Garmendia ta Dongaitzi.

 Zugazti eta gainerakoak, Mattinen partez goraintzi.

 Zonbaif izen famatu

 Ez baditut aiphatu,

 Orhoit eskasez ditut utzi,

 Akantz...

 Gaichtakeriaz ez dut egin ta, ez othoi nihori gaitzi!

 

 6

 

 Baratze bati konparatzen dut nik Eskual-herri guzia

 Lur eder huntan eraina dago pilotarien hazia.

 Zahar eta gaztiak,

 Orhoit gaiten guziak

 Jainkoari galdatzia

 Grazia,

 Baratz' eder hau begira gaitzan lore hoietaz jauntzia.

 

 7

 

 Gure lur hautan arrotza frango askotan igaiten dira.

 Choraturikan ere egoiten plazara doan jendia

 Ikusiz plekariak

 Nihun pare gabiak

 Oro oihuz hasten dia,

 Egia...

 Gora pilota joko ederra, ta gora Eskual-Herria.


inprimatu