Gaztalondoko prima

Topet-Etchahun, Pierre

 1.

 Gaztalondoko prima anderia,

 Zure senharrak erran badü egia,

 Bost urthez eztiala hunki emaztia,

 Haren obratik bada zük düzün frütia,

 Aberti ezazü kumai haitatia

 Xatharraren plazan eros dezan abitia.

 2.

 Eretako barberaren zaldia,

 Gaztalondon gaiaz ebiltzalia,

 Hanko zerrallü petan itzalin gordia,

 Eia nurat juiten zeian bürüzagia,

 Espadeikük erraiten hik zerbait egia,

 Primak izanen dik aitarik gabe frütia.

 3.

 Ebili niz Gaztalondon eslklabo

 Nahiagorik egon establian lo;

 Nausia zeitan juiten prima ganat gero,

 Eta ni kanpun üzten haien etsaier so,

 Hurak denak oro adar ezarteko,

 Zeren ni nintzan egiliren lekhaio.

 4.

 Primak bazin jaun barberarentako

 Aiharitan kapu era ollasko;

 Senhar miserablia batian ohin lo,

 Eta bestian aldiz kristelaren galtho;

 Primak ordin hur xahakinak bero

 Eta haiez ajüta eman gero.

 5.

 Zure senharra adjüent egon zenin,

 Balentia handirik zizün egin;

 Ezarten zitizün unestak gaztelin,

 Ustez adar egiler fabore egin;

 Orai berak badütü borontin,

 Laket beitira xapel ziratiren pin.

 6.

 Zamari gaixua jakile haigü hartzen:

 Haurrak aita nur dio deikük erranen;

 Haren senharrak ditik aizuk aküsatzen,

 Bena gük eztiagü jaun hura sinhesten,

 Zeren eztie xapelik haiek jaunsten

 Eta prima ez arrunter behatzen.

 7.

 Jinkua, ümilen faboria,

 Eta gük dügüna ürgüllia;

 Laborari hun bat züzün primaten gradia,

 Bena goititü dizü sobera büria;

 Nahiz entzün izena anderia,

 Galdü tizü hunak eta uhuria.

 8.

 Primak dizü jaunetan sinhestia

 Eta haiez ezin egin phartitzia;

 Esküz eskil zelarik miserablia,

 Harri batetan dizü egin lerratzia;

 Hartzen badü aitaren estatia,

 Notari dükezü jinen den frütia.

 9.

 Berset hoiek dütinak konposatü

 Emazte bat nahi likezü hartü;

 Bena nahi likezü lükin ezpiritü,

 Ejer, ümil, gazte, eta bertütetsü;

 Zure alhaba prima har hozü,

 Zützaz beno kuntenago lükezü.