inprimatu
Gaztalondoko neskatilak
Izenburua:
Gaztalondoko neskatilak
Sinadura:
Topet, Pierre (Etxahun)
Urkizaren iruzkina:
Egilea(k):
Topet, Pierre

Argitalpena:
Euskera.
Urtea:
1969-1970
Argitalpenaren urtea:
Alea:
Orrialdea:
372-378

 

 

 

 

faksimilea ikusteko


faksimilea ikusteko


faksimilea ikusteko


faksimilea ikusteko


Gaztalondoko neskatilak

 

Topet-Etchahun, Pierre

 

 1.

 

 Bi berseten huntzera nüzü abiatzen,

 Gaztalondo handiko neskatila gazten.

 Hurak nahi dütienez dirade trüfatzen;

 Intertan gaxo hurak etxetan zahartzen.

 

 2.

 

 Hamar etxekalhaba badirade aizo:

 Nurk zer estakürü din dirade bethi so,

 Algargana bil eta erri egin gero:

 Ai zer denbora hori, eztait nuiz artino.

 

 3.

 

 Gaztalondo handiko hiru etxekalhaba

 Abiatü dirade Maidalenara.

 Bideti ützülirik jun dira Landara,

 Entzünik jun zeitzela xalantak hara.

 

 4.

 

 Senthorale horiek egüna segreki,

 Igaran ükhen die Muntorieseki;

 Ützültzin jiten dira Soskori aldeti,

 Maidalenan zirela koloratzia gati.

 

 5.

 

 Persuna gaixo hoiek etxera zirenin

 Uha eta eñhez ziren ezin bestin;

 Flakatürik zirela plañitzen ziradin,

 Ezi bidaje handin izan beitziradin.

 

 6.

 

 Etxekuak arratsen trixtezera dira,

 Alhaba arraruak eri dütiela,

 Eztielakoz jaten üsatü bezala,

 Landan jan beitzükien kustilla sobera.

 

 7.

 

 Persuna gazte hoiek obilat jun ondun,

 Amek kasola bedera ardu ziren irun;

 Haiek aldiz ez hartü, alegia ez hun!

 Landakotik beitziren bia phitxer kholkun.

 

 8.

 

 Muntoiko muthikuez nüzü estunatzen:

 Nulaz dütien haitatzen emaztik Barkoxen;

 Areta badakie eztiela hun haien,

 Ezpadie haboro miñatze lanthatzen.

 

 9.

 

 Muntoiko muthikuak, abisa zitaie:

 Emazte geiak Landan haita itzazie;

 Hurak kuntent dirade ardu edan gabe,

 Mestüraz eta broiaz asia badie.

 

 10.

 

 Barkoxeko emazten üsatü legia;

 Zopak jan dütienin arduz godalia;

 Ez Muntorin bezala hur erdi lohia

 Bargera xilutara üharriz bildia.

 

 11.

 

 Barkoxen nahi denak gaiaz paseiatü,

 Zaragollak behar tü untsa butuatü:

 Ezi ber sujeta izan zaikü heltü,

 Emaztek diela gizun bat zehatü.

 

 12.

 

 Gaztalondo handiko lür plano gizena!

 Sentho ere beita han hazirik dena.

 Haietarik hartzera ihur ezin deña,

 Beldürrez haien haztik eman dizen phena.

 

 13.

 

 Gaztalondo handiko segella senthua,

 Eri lüzaz egonik iruski sendua!

 Balinba zure gaitza etzüzün, gaixua,

 Arauz gaierditako zerena gaxtua.

 

 14.

 

 Gaiazko zerenak nik entzütia badit,

 Eritzen dütiala neskatila gaztik;

 Ta gero sendotzeko behar hilabetik,

 Hiru, lau, bost, sei, zazpi, zortzi, bederatzik.

 

 15.

 

 Neskatila guztiak, abisa zitaie:

 Gaierdi zerenatik begira zitaie;

 Zunbait irus segreki libratürik ere,

 Püblikatzen direnak haboro dirade.

 

 16.

 

 Khantoren egilia düzü ezkuntzeko,

 Emaztia nahi lüke lau kalitateko;

 Gormanda, libertina, auher, mihi gaxto,

 Uste düt Gaztalondon bat ükhen halako.

 


inprimatu