Euskara eta sagardotegiak

 1

 Sagardotegietan

 jendea jatorra,

 euskaraz mintzatzea

 ez zaie gogorra.

 Miresgarria dela

 eta dugu zorra,

 euskararentzat dela

 benetan altxorra.

 2

 Garai honetan dela

 sagardoz txotxetik,

 jendea hurbildutzen

 alde guztitatik.

 Tortilla aurretikan

 txuleta atzetik,

 euskara aditzen da

 edozein ahotik.

 3

 Sagardotegia zen

 lengoko lekua,

 bertsolaria biltzen

 euskal garbikua.

 Sagardoa zutela

 han edatekua,

 jendea gustora zen

 ikusiz zirkua.

 4

 Euskaldunen artean

 da bertso jokoa,

 hurbildutakoentzat

 zaie gogokoa,

 emozioz beterik

 isuriz malkoa,

 jendearentzat zela

 betiko txokoa.

 5

 Sagardotegietan

 gazta ta intxaurra,

 txuleta ta tortilla

 sagardo apurra.

 Bertso batez ematen

 dutela agurra,

 euskaraz mintzatzeko

 inoiz ez beldurra.

 6

 Aiton baserritarrak

 luzea mokoa,

 txiste, komeri, bertso

 ederra jokoa.

 Sagardo eraginez

 ederra zirkoa,

 Txirrita gisakoen

 betiko txokoa.

 7

 Betiko kuadrilla

 bildurik batera,

 bertsotan oso gozo

 beti goiz aldera.

 Azkenerako ezin

 bertatik atera,

 ohera sartu gabe

 joaten lanera.

 8

 Sagardotegiari

 asko zor zaiola,

 euskara eta bertsoak

 sagardoz daiola.

 Bertsolarientzat da

 benetan kaiola,

 aitonen bertsoekin

 sortu ikastola.

Tolaretxe