[Bertsotan]
Telleria - Peņagarikano
Telleria ta Peņagarikano bikotearentzat gaia: zer opari alkarri egin kopletan:
T.:
Eusko Irratian galdezka neuzkan
Peņari zer erregali
hainbeste gauza faltako ditu
ta ez dakit zer bidali.
P.:
Irrati bidez gaur bi herritar
alkar zer eskeiniko zai
erregaliak hartzen bazekik
baņa ematen ere bai.
T.:
Mutil zarraren bidetik joa
eta plantaren badaukak
hi formaltzeko neska lagun
billatu beharra daukat.
P.:
Joxepa, Antoni, Maria Inasi
Petra edo Mari Tere
nik nahiko neska bazeukat motel
hik bat eman gabe ere.
T.:
Juerga sarri egiten digu
Peņak eta nik bai biak
leno ibilli ta utzi nun bat
neuk presta beharko diot.
P.:
Nik txapelketan aipatu nitun
omega eta zitizen
bat emango dit ea etxera
goizago joaten haizen.
T.:
Orinala ere aitatu zuen
txapelketako garian
orantxe urte dagola
gaņean exeri nahian.
P.:
Sehaska ere pentsa izan dit
hiri oparitarako
banan uste dit ba hagoela
oindik puxka baterako.
T.:
Umekeriak egiten ditu
honek makiņa bat aldiz
sehaskarako hobea da han
berak abitxuko balitz.
P.:
Txaketa beltza opari dit
hari beltzetan nastuta
hamar pesta ez gastatze arren
marroki bati ostuta.
T.:
Erdeldun plantadunak txaketa
beltza ez du ez kalteko
propio erregalau nion
konjuntoa egiteko
P.:
Oitamar urte lepo gaņean
ta kalba pixka dauka
bere halaxe emango diat
maniki baten peluka.
T.:
Asko eman dit baņa emateko
nik bazeukeat oraindik
hartuagaitik eskerrik asko
ta ondo gozatu hadi
P.:
Andrearentzat hemen zehazkit
hiru kolonia frasko
hari bi muxu ta hiri berriz
bihotzez eskerrik asko.
