Tours hirian, 501-garren errechimenduan soldado zaharra eta gaztea, adiskide gisa bertsutan elgarri mintzo soldadogoaz.
1
Zer diok aspaldiko oi ene laguna
Soldado ethorririk egun gure gana
Baduka berthutea bihotzean barna
Eskuratzeko ukhan behar dukan harma.
2
Ideya onarekin jina nuk soldado
Kurayez egiteko manatuak oro
Lotsamendua ere nekhez ethorriko
Hemen ikhusten baitut eskualduna frango.
3
Gaituk eskualdunak tropagno bat gaitza
Elgarri atchikiak berorik bihotza.
Jatekoa nasaiki erraki'ta salsa
Arno bat arradoa dena mahats jusa.
4
Atsegin hartu diat aditzearekin
Sokhorria badela arno onarekin
Gorphutzak ez dezakek hola gibel egin
Irabazia zer den nahi nikek jakin.
5
Hamar sos egunean duk hemengo prea
Phonduen emaiteko hariaren dea
Beztimenda ederra parerik gabea
Kontent ez bada ere ezin egin greba.
6
Nahiz guzietarik den gauza jakina
Eskualdun jendea dela libertina
Zerbitzuan badea artetan aizina
Egiteko kantu'ta zombeit irrintzina.
7
Izanen duk dembora trankil egon hadi
Sakelak duelarik baia eman nahi
Kantu, musa. mutchiko libro dituk bethi
Kantinierak ere arpegia argi.
8
Soldadogo berriak jakitean hola
Iduritzen zeraitak herrian naizela
Aplikatuko gautuk chuchen den bezala
Ongi liberti bainan urrunduz kartzela.
9
Itzalak arrakasta errechimenduan
Obeditzen ez bada manatu lekhuan
Fidela izan hadi hire zerbitzuan
Nahi baduk dembora iragan gostuan..
10
Eginen diat neure ensegu guzia
Ongi zerbitzatzeko eder den Frantzia
Othoitzetan galdatuz Jaunari grazia
Zerbitzua eginik etchean sartzia.
11
Hiru koloretako bandera ederra
Berma gaiten guziak haren beiratzera
Ohorezki alchatuz ahal bezein gora
Frantziaren omena ez dadin behera.