Titori (Roberto Etxeberriari)

 Hordi

 lagun mozkortuen artean

 haragizko debeku

 guztiez farre

 xistua zoko batetan

 ez doluminik

 ez latin kutsuko

 kristau kanta horik

 zure ehorzketa

 nahi zenuke

 segur nauzu.

 Orain bertze jainkoekin

 jainko beltzekin eginen duzu jolas

 kosmos berri baten haiduru.

 Bruxellesko biera beltzetan

 lurperatua

 solas gutti eta ironia xotil horrekin

 Abertzaleek, lagun zenbaitek

 eta egunkari berri hauek atera dituzten

 oharpenez irri maltzurra

 somatzen zaizu, nonbait

 etxeko zakurra, hor ere agian

 lagun duzularik.