Elebitasuna

Sudupe, Pruden

 Aspaldi honetan denen ahotan

 ikastola eta SEASKA,

 baten gartsuki alde ditugu

 ez dirade gutti aurka.

 Euskal Herria euskaldun dadin

 eten gabeko borroka,

 gorrenak ere entzuna duke

 hasten para ausikika.

 Iparraldeko euskaldungoak

 barnatua duen mina,

 bere herrigintzan behar duena

 nehun atzeman ezina.

 Ibiltariez eta antzekoz

 trufa digute ezina,

 Minbiziaren sendagailutzat

 eskaintzen dute aspirina.

 Hemen sekula ez, balitz sortu

 Seaska gure artean,

 euskara orain segur legoke

 kenkarik larrienean.

 Gure lanaren garrantziari

 mamia kendu nahiean,

 Euskara eskolan «sartu» omen dute

 hori aski delakoan.

 ELEBITASUN hitza dabila

 errezki haien ahotan,

 ELEBITASUN bilakatzen da

 gero gehienentsuetan

 namarretatik bederatzi bat

 frantses hutsaren onetan,

 azken ttanttoak euskararentzat

 isilik egotekotan.

 Eskuinarekin lanak baziren

 gure nahiak kanporatzen,

 orain ezkerra nagusi

 hasiak gara itotzen.

 Zor zaigunaren parte ttiki bat

 zigutelarik eskaintzen:

 ia benetan noiz basten diren

 eman hitz hori betetzen.

 Haiek eta guk ez dugu beti

 erabiltzen ber logika,

 segur ez dute euskaldunentzat

 egin beren politika;

 halaeta ere ez dute onartzen

 egiten dugun kritika.

 Zer nahi duena tripako minez

 ibil gaitezen irrika?

 Zernahi ekintza eginik dugu

 han-hemenka urte batez

 "negoziatzeko" beti prest dira

 hala diote aho batez,

 bainan manarik ez bait da heldu

 lau lagun ditugu gosez,

 ikastolari BAIETZA emanez

 eta errepresioari EZ!

 Denen laguntzaren beharretan

 izanen gara segurki,

 negoziaketek ez dute onik

 ez bada indarrik aski.

 Azkarrak trufa egiten dio

 ahulenari ozenki.

 Urratu dugun bide hertsiari

 denok batera jarraiki!