Ziri-biursak
Soroa, Marzelino
¿OLIYUAKIÑ?
Izketan ari ziran
arrantza gañian
bero samarrak noski
sagardotegian,
zeiñ baño zeiñ ayetan
abillago otezan,
t' ojuka bat batian
Kosmek zuben esan:
-Neri beira gelditzen
dituk arritubak,
arrapatzen dizkiat
korkoi prejitubak.
¿ZER DEGU ECHEKOANDRE?
Neskamerikan ez det
joandan aspaldiyan
zergatik jartzen nauten
istillu gorriyan.
Gante bat artzen badet
dabill gora bera
aitzaki billa beti
joateko kalera.
Apaindurikan ondo
chorakeriyetan
ibillirik alduben
ordu guztiyetan.
Urtez aurreratuba
topatu dedilla,
t' arrek ere badauka
bere maratilla.
Beardan lanetako
tuntuna, motela;
gertatuko da churrut
egiten dubela.
¡Ausenda komeriya!
¡arriturik nago!
neskame bat artzeko
modurik ez dago.
|